Qyzylorda oblysynda 311 myń gektar jer paıdalanylmaı otyr
QYZYLORDA. QazAqparat-Aýyl sharýashylyǵy maqsatyndaǵy jerlerde túgendeý jumystary júrgizilip, nátıjesinde jalpy 311,2 myń gektar jerdiń paıdalanylmaı otyrǵandyǵy anyqtaldy. Onyń 87,3 paıyzy memleketke qaıtarylsa, 31,8 myń gektaryn jer ıelenýshiler qaıta paıdalanýǵa kirisken.
Bul týraly Qyzylorda oblysynyń jer qatynastar basqarmasynyń basshysy Shahmardan Qoıshybaev Óńirlik kommýnıkatsııalar qyzmetinde ótken baspasóz máslıhatynda málim etti, dep habarlady QazAqparat tilshisi.
Sondaı-aq, 2017 jyldyń birinshi jartyjyldyǵynda jer qatynastarynyń saqtalýyna baılanysty 236 baqylaý sharasy júrgizilgen. Tekserý qorytyndysy boıynsha 171 zań buzýshylyq derekteri anyqtaldy. Oblystyq jerdiń paıdalanýy men qorǵalýyn baqylaý basqarmasynyń basshysy Qaırat Ábenulynyń aıtýynsha, ıgerilmeı jatqan 9 jer telimin májbúrlep alyp qoıý maqsatynda sotqa talap-aryzdar joldanǵan. Onyń 5-ýi memleketke qaıtarylsa, 2-ýi paıdalanýshy tarapyna sheshildi. Al, qalǵan 2-ýi sottyń qaraýynda.
Qazirgi tańda oblysymyzda jer ýchaskelerin paıdalanýdaǵy shekteýler boıynsha 79 adam tirkelgen. ıAǵnı, olarǵa tıesili jerin jalǵa berýge nemese kepildikke qoıýǵa zańdy túrde ruqsat etilmeıdi.
