Qyzylorda oblysynda 3 myń rýlon shóp órtenip ketti

QYZYLORDA. QazAqparat - Qyzylorda oblysynda 3000 rýlon shóp órtenip ketti, dep habarlaıdy QazAqparat tilshisi.

Oqıǵa Jańaqorǵan aýdanyna qarasty M.Nálibaev aýyldyq okrýginde 21 shildede saǵat 20.20-da bolǵan. Jergilikti sharýa qojalyǵynyń aýmaǵyndaǵy ashyq alańda jınalǵan shóp órtengen.

«Shóptiń jalpy sany 3000 rýlondy quraıdy. Ol shamamen 1200 tonnaǵa jýyq. Oqıǵa ornyna órt sóndirý qyzmetinen 13 qyzmetker 3 avtokólikpen bardy. Olardyń kúshimen saǵat 23.30-te oqshaýlanyp, 00.30-te tolyǵymen sóndirildi», - dedi departamentten.

Eske salsaq, budan buryn Qyzylordada balalar oıyn-saýyq ortalyǵy órtendi.

Oqys oqıǵa 19 shildede saǵat 07.20-da Qyzylorda qalasy Y.Altynsarın kóshesi boıynda ornalasqan balalar oıyn-saýyq ortalyǵynda boldy. Ǵımarattyń birinshi qabatynyń 200 sharshy metrge jýyq aýmaǵy tolyqtaı janyp ketti.