Qyzylorda oblysynda 28 myńnan astam «Pfizer» vaktsınasyn saldyrdy

QYZYLORDA. QazAqparat - Qyzylorda oblysynda 28 myńnan astam «Pfizer» vaktsınasynyń birinshi komponentin saldyrdy, dep habarlaıdy QazAqparat tilshisi.

Qazirge deıin óńirde barlyǵy 28172 adam «Pfizer» vaktsınasynyń birinshi komponentin saldyrdy. Ekinshi komponentimen qamtylǵandar sany - 14298 adam.

«Búginge deıin atalǵan vaktsına saldyrǵandar arasynda 12-17 jas aralyǵyndaǵy jasóspirimder sany basym. Olardyń 18,4 paıyzy eki komponetin de alyp úlgerdi. Ol júkti áıelder arasynda birinshi komponentpen - 7,9, laktatsııa kezeńindegi áıelder arasynda 7,6 paıyzdy shamalaıdy», - dep málim etti Qyzylorda oblystyq Sanıtarııalyq-epıdemıologııalyq baqylaý departamentiniń baspasóz hatshysy Aıman Janahaeva.

Eske salsaq, budan buryn Qyzylorda oblysynda «Ashyq» jobasyna qosylǵan nysandar jumysyna shekteýler alynyp tastaldy.