Qyzylorda oblysynda 278 myńnan astam adam koronavırýsqa qarsy vaktsına saldyrdy
Qyzylorda oblysynda turǵyndarǵa ekpe salý 1 aqpannan bastaldy. Búginde kúnine 1 300-1 500 adam ekpe saldyrady. Ekpe kabınetteriniń 3 500-ge deıin júktemeni oryndaýǵa múmkindigi bar.
Qazirge deıin 278 772 adam vaktsınanyń birinshi komponentin qabyldasa, ekinshi komponentin saldyrǵandar 230 870 adamǵa jetti.
«Aýrýshańdyq deńgeıinde tómendeý tendentsııasy bar. Memlekettik qyzmetshiler, dárigerler, muǵalimder arasynda ujymdyq ımmýnıtet qalyptasqanyn baıqadyq. Sebebi koronavırýs ınfektsııasymen aýyrǵandar sany azaıǵan. Al, em alyp jatqandardyń 98 paıyzy vaktsına almaǵandar ekenin basa aıtqymyz keledi», - dedi oblystyq sanıtarlyq-epıdemıologııalyq baqylaý departamenti basshysynyń orynbasary Álııa Ábdiqaıymova.
Ekpe qabyldaǵandar qatarynda pedagogter, medıtsına salasynyń mamandary, quqyq qorǵaý organy qyzmetkerleri, memlekettik qyzmetshiler, stýdentter sany basym.
Aıta ketý kerek, koronavırýs ınfektsııasyna qarsy ımmýndaý naýqanyna 106 ekpe kabıneti men 37 jyljymaly pýnktiń jumysy uıymdastyrylǵan.
Eske salsaq, Qyzylorda oblysynda 3 374 nysan Ashyq júıesine qosylǵan.
