Qyzylorda oblysynda 26 adam koronavırýs indetin juqtyrdy
NUR-SULTAN. QazAqparat - Qyzylorda oblysynyń ákimi Gúlshara Ábdiqalyqova óńirdegi koronavırýs indetin juqtyrǵan naýqastardyń jaı-kúıin baıandady, dep habarlaıdy QazAqparat tilshisi.
«Qazirgi ýaqytta oblys boıynsha ınfektsııa juqtyrǵandar sany 26-ǵa jetti. Onyń ishinde Qyzylorda qalasynda - 6, Jańaqorǵan aýdanynda - 16, Qarmaqshy aýdanynda - 2, Shıeli aýdanynda 2 oqıǵa tirkelgen. Qazirgi ýaqytta Qyzylorda, Jańaqorǵan aýdandary karantınge jabyldy», - dedi oblys ákimi «Habar 24» telearnasyndaǵy málimdemesinde.
Onyń aıtýynsha, indettiń aldyn alý sharalary tolyq júrgizilip jatyr.
«Eń aldymen, adamdar men barlyq kólik túrleriniń qozǵalysy shekteldi. Barlyq naýqastar ınfektsııalyq aýrýhanaǵa jatqyzyldy. Vırýs tasymaldaýshylarmen baılanysta bolǵan adamdar anyqtalyp, baqylaýǵa alynyp jatyr», - dedi G. Ábdiqalyqova.
