Qyzylorda oblysynda 2500 adamǵa turǵyn úı salýǵa jer telimderi beriledi
QYZYLORDA. QazAqparat - Keshe Qyzylorda oblysynyń ákimi Qyrymbek Kósherbaev 20 shıelilik turǵynǵa jeke turǵyn úı qurylysyn júrgizý úshin jer telimderiniń qujattaryn tapsyrdy, dep habarlady QazAqparat HAA tilshisi oblystyq ákimdikke silteme jasap.
Jańa «Bereke» móltek aýdanynda 300, jalpy aýdan boıynsha 2500 adam jer telimderin alady.
Óziniń alǵysózinde oblys ákimi Qyrymbek Kósherbaev eldi mekenderdiń ekonomıkasy men aýyl turǵyndarynyń ómir súrý deńgeıin jaqsartý jergilikti bıliktiń aldaǵy ýaqytta da birinshi kezektegi mindeti ekenin atap ótti.
«Búginde aımaǵymyzdy damytý boıynsha aýqymdy ister atqarylýda. Naýryz merekesi qarsańynda oblys ortalyǵynda jańa móltek aýdan paıdalanýǵa berildi. Búgin 300-ge jýyq Shıeli turǵynyna jeke turǵyn úı qurylysy úshin jer telimderi beriledi. Shıeli aýdanynda 7 myńǵa jýyq adam baspana salý úshin jerdiń kezeginde tur. Endi tıisti ınfraqurylymmen qamtamasyz etilgen aýmaqtan 2500 adamǵa jer telimderi beriletin bolady»,- dedi oblys ákimi.
