Qyzylorda oblysynda 25 mln teńge jymqyrǵan sheneýnikter sottaldy

ASTANA. QazAqparat – Qyzylorda oblystyq aýyl sharýashylyǵy basqarmasynyń bólim basshysy oryndalmaǵan jumysqa qujat jasap, sýbısdııa almaq bolǵan, dep habarlaıdy QazAqparat QR Qarjylyq monıtorıng agenttiginiń baspasóz qyzmetine silteme jasap.

Baspasóz qyzmetiniń málimetterine qaraǵanda, Qarjylyq monıtorıng agentiginiń Qyzylorda oblysy boıynsha departamenti iri kólemde ınvestıtsııalyq sýbsıdııa qarajatyn talan-tarajǵa salyp, ári qaraı jymqyrý deregi boıynsha tekserý júrgizip, oblystyq aýyl sharýashylyǵy basqarmasynyń laýazymdy tulǵalaryna qatysty qylmystyq is boıynsha sot úkimi shyqty.

Memlekettik qyzmetshiler birneshe sharýa qojalyqtarynda eshqandaı jumys atqarylmaı, jabdyqtar qoıylmaı, jumystyń tolyq oryndalǵany týraly jalǵan qujat ázirlegen jáne aqparatty «Qoldau.kz» júıesine engizip, sýbsıdııa berý týraly ótinimge elektrondy qol qoıǵan.

Óz kezeginde kásipker tulǵalar kelisim-shart somasynyń 10% kóleminde syıaqy úshin jalǵan qujat ázirlep, 25 mln teńge qarjy jymqyrǵan.

Sot sheshimimen Oblystyq aýylsharýashylyq basqarmasynyń bólim basshysy men bas mamany kináli dep tanylyp, memlekettik uıymdarda materıaldyq nemese qarjy aýdarymyna negiz bolatyn qujattarǵa qol qoıý quqyǵy júkteletin laýazymdardy atqarý quqyǵynan 3 jylǵa aıyra otyryp, 2 jyl merzimge shartty túrde bas bostandyǵyn shekteý jazasyn aldy.