Qyzylorda oblysynda 21 jastaǵy turǵynnyń koronavırýsty qaıdan juqtyrǵany anyqtaldy
Shıeli aýdanynda turatyn naýqas 1999 jyly dúnıege kelgen. Ol koronavırýs juqtyrǵan Túrkistan oblysynyń turǵynymen «Petropavl-Qyzylorda» poıyzynda bir vagonda bolǵan. Nátıjesinde shuǵyl karantındik statsıonarǵa oqshaýlanyp, zerthanalyq zertteýlerge synamalar alynǵan bolatyn. Odan analız oń nátıje kórsetti. Naýqas Shıeli aýdanaralyq aýrýhanyń juqpaly aýrýlar bólimine aýystyryldy.
«Atalǵan jaǵdaı búgingi kúnge deıingi oblysta tirkelgen 25 naýqaspen baılanysy anyqtalmaǵan, syrttan tasymaldanǵan derek retinde tirkeldi. Naýqaspen tyǵyz qarym-qatynasta bolǵan taǵy 3 adam anyqtalyp, olar karantındik statsıonarǵa jatqyzyldy. Búgingi jaǵdaı boıynsha COVID-19 koronavırýs ınfektsııasy boıynsha qolaısyz elderden kelgen 184adam monıtorıng baqylaýǵa alyndy. Onyń ishinde 1a sanatyndaǵy elderden kelgeni - 20 adam, 1b sanatyndaǵy elderden kelgeni - 164 adam bar. Monıtorıngkige alynǵan azamattar arasynda 12 adam karantındik statsıonarlarda medıtsınalyq baqylaýda», - dep málim etti oblystyq taýarlar, qyzmetterdiń sapasy men qaýipsizdigin baqylaý departamentiniń baspasóz hatshysy Aıman Janahaeva.
Búingi tańda Qyzylorda oblysynda 26 adam koronavırýs indetin juqtyrdy.