Qyzylorda oblysynda 20 jastaǵy jigit Syrdarııa ózenine batyp ketti
Oqıǵa 29 maýsym saǵat 18:30 shamasynda Qarmaqshy aýdany 102-shi razezd tusynda boldy.
Tótenshe jaǵdaılar qyzmetine 20 jastaǵy bozbalanyń sol aýmaqtaǵy Syrdarııa ózenine batyp ketkeni jóninde habar tústi.
«Atalǵan shaqyrtý boıynsha Aral aýdany Qamystybas eldi mekeninde ornalasqan qutqarý bólimshesinen 4 qutqarýshy, bir tehnıka, úrlemeli qaıyq jáne 2 jınaq súńgýir jabdyǵymen jumyldyryldy. Sýǵa batqan azamat 2003 jyly týǵan, Qarmaqshy aýdany Aqaı aýylynda turatyny belgili boldy. Jas jigit «Bolashaq» ýnıversıtetiniń ekinshi kýrsynda oqyp júrgen. Súńgýirler 22.35-te izdestirý jumysyn aıaqtady. Bul joly eshqandaı nátıje bolǵan joq. Búgin, 30 maýsym kúni 4.35-te izdestirý jumystary qaıta jalǵasty», - dedi Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Vedomstvo málimetinshe, jyl basynan beri oblysta 16 adam sýǵa ketken.
Eske sala keteıik, Qyzylordada jyl basynan beri 248 órt oqıǵasy tirkeldi.
