Qyzylorda oblysynda 20 jastaǵy malshy tórt kúnnen beri habarsyz ketti
24 shildede tótenshe jaǵdaılar qyzmetine Aral aýdany Shıjaǵa eldi mekeninen 40 shaqyrymda ornalasqan «Aıdarly» fazendasynan 2003 jylǵy azamattyń belgisiz baǵytqa shyǵyp, qaıta oralmaǵandyǵy jóninde habarlama tústi.
«Atalǵan shaqyrtý boıynsha №3 mamandandyrylǵan órt sóndirý bóliminen 10 qyzmetker KÝNG avtokóligimen jumyldyryldy. Іzdestirý jumystary sol kúngi saǵat 20:30-ǵa deıin júrgizilip, ol nátıje bergen joq. Búgin, 25 shilde izdestirý jumystary qaıta jalǵasty. Órt sóndirý bóliminen 20 qyzmetker KÝNG avtokóligimen «Shıjaǵa» eldi mekenine jaqyn ornalasqan «Qaınar» jáne «Aıdarly» malshy aýyldaryna izdestirý jumystaryna júrgizdi. Ázirge nátıje joq. Іzdeý jumystary jalǵasady», - dedi Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Eske salsaq, budan buryn Qyzylorda oblysynda qudyqqa qulap ketken 76 jastaǵy qarııa qutqaryldy.
