Qyzylorda oblysynda 2 jasar sábı qudyqqa qulap, kóz jumdy

QYZYLORDA. QazAqparat - Qyzylorda oblysynda naǵashysynyń úıine qydyryp barǵan 2 jasar sábı qudyqqa qulap, mert boldy, dep habarlaıdy QazAqparat tilshisi.

24 naýryzda Qyzylorda oblystyq Tótenshe jaǵdaılar departamenti Daǵdarys jaǵdaıynda basqarý basqarmasyna habarlama kelip tústi.

«Onda Jańaqorǵan aýdanyna qarasty Qandóz aýylyndaǵy turǵyn úıde sý alatyn qudyqqa 2021 jyly týǵan sábı qulap ketip, qaza bolǵany aıtylǵan. Ol Túrkistan oblysy, Saýran aýdany, Baltakól eldi mekeninen naǵashysynyń úıine anasymen birge qonaqqa kelgen», - dedi oblystyq Tótenshe jaǵdaılar departamenti baspasóz qyzmetiniń jetekshisi Aıgúl Nurmanova.

Budan buryn Qyzylordada taǵy bir qaıǵyly jaǵdaı oryn alǵan edi. Jer úıde bolǵan órtten 48 jastaǵy er adam kóz jumdy.