Qyzylorda oblysynda 1938 jyly týǵan azamattarǵa «Tyl ardageri» mártebesi berildi

ASTANA. QazAqparat - Qyzylorda oblysy Qarmaqshy aýdany ákimdigi janyndaǵy 1941 jylǵy 22 maýsym - 1945 jylǵy 9 mamyr kezeńinde keminde 6 aı jumys istegen azamattardyń jumys stajyn belgileý jónindegi arnaıy qurylǵan komıssııa 2015 jyly Uly Otan soǵysy jyldarynda tylda jumys istegeni jóninde 1938 jyly týǵan azamattardyń ótkizgen qujattarynda dáleldi aıǵaqtardyń bolmaýyna baılanysty eńbek ótilin belgileýden bas tartqan.

Bul týraly Qyzylorda oblystyq prokýratýrasynyń baspasóz qyzmeti habarlaıdy.

Zulmat jyldardyń zardabyn tartqan aqsaqaldardyń ótinishteriniń qoldaý tappaýy jáne halyqtyń ál-aýqatyn jaqsartýyna ári qaýipsizdigine, aýdannyń odan ári damýyna, kúrdelengen jáne jyldar boıy sheshilmeı jatqan máselelerdi sheshý joldaryn qarastyrý baǵytynda atqarylǵan jumystardyń nátıjesinde Qarmaqshy aýdandyq prokýratýrasy «1938 jyly týylǵan azamattarǵa «Tyl ardageri» statýsyn berý» Jobasyn ázirledi.

Joba aıasynda engizilgen prokýrorlyq yqpal etý aktisi negizinde 35 ardagerge Uly Otan soǵysy jyldarynda tylda jumys istegeni jóninde jumys ótili belgilenip, olardyń quqyqtary qorǵaldy.

Qazirgi tańda, atalǵan tyl ardagerleriniń árqaısysyna aıy saıyn 4 518 teńge arnaýly memlekettik járdemaqy tólenýde.