Qyzylorda oblysynda 19 732 adam koronavırýsqa qarsy vaktsına qabyldady
QYZYLORDA. QazAqparat - Qyzylorda oblysynda búginge deıin koronavırýs ınfektsııasyna qarsy vaktsınany 19 732 adam qabyldady, dep habarlaıdy QazAqparat tilshisi.
Jergilikti turǵyndardy vaktsınatsııalaý jumystary oblys ortalyǵyndaǵy №1, 3, 4, 5, 6 qalalyq emhanalarda, oblystyq keńes berý dıagnostıkalyq ortalyǵynda, «Intertıch» klınıkasynda júrgizilýde. Sondaı-aq, ol barlyq aýdan jáne Baıqońyr qalasynda júzege asyrylyp jatyr. Vaktsınalaý jumystaryna alǵashqy medıtsınalyq-sanıtarlyq kómek kórsetý mekemelerinde 16 egý kabıneti daıyndalǵan.
«Barlyq vaktsına talapqa saı, temperatýralyq rejımdi qadaǵalaıtyn arnaıy mashınamen halyq sanyna baılanysty egý oryndaryna jetkizildi. Jalpy medıtsınalyq uıymdarda, halyq arasynda túsindirý jumystary keńinen júrgizilýde. Bul jumystar aldaǵy ýaqytta da jalǵastyrylady. Іndettiń aıyǵýdyń jalǵyz joly – saqtyq sharalaryn qatań saqtaý. ıAǵnı epıdemııany túbegeıli jeńýdiń joly - vaktsına saldyrý», - dedi oblystyq densaýlyq saqta basqarmasynyń basshysy Sábıt Pazılov.
Qyzylorda oblysynda sońǵy kúnderde qaterli ndetke shaldyqqan turǵyndar sany kúrt ósip ketti. Búgingi kúnge deıin indet juqtyrǵan 4798 naýqas tirkelse, ótken táýlikte olardyń qataryna 35 adam qosyldy.
«Qaterli indet kúsheıgen jaǵdaıda oblysta medıtsınalyq mekemeler daıyndyǵy qalypty deńgeıde tur. Infektsııalyq jáne provızorlyq statsıonarlarda 3200-ge deıin oryn daıyndalǵan. Al 518 oryn ortalyqtandyrylǵan ottegimen qamtylǵan. Táýekel toptaǵy adamdar erekshe baqylaýda. Qazirgi tańda 138 dárigerlik mobıldik top úıden em jasaýda. Medıtsınalyq uıymdar 686 ottegi kontsentratormen, 251 IVL), 8 kompıýterlik tomograf jáne 66 rentgen apparatymen qamtylǵan.
Aımaǵymyzda 6 ottegi shyǵarý stantsııasy bar. Onyń 2-i byltyr kópbeıindi oblystyq jáne Qazaly aýdanaralyq aýrýhanalarynda iske qosyldy», - dedi S.Pazılov.
Eske salsaq, Qyzylorda oblysynda sanıtarlyq talaptardy kúsheıtý kózdelip otyr.
