Qyzylorda oblysynda 17 adam sýǵa batyp ketti
QYZYLORDA. QazAqparat - Qyzylorda oblysyndaǵy sý aıdyndarynda 17 adam, onyń ishinde 4-ýi bala (5 jaǵdaı balyq aýlaý kezinde, 12 jaǵdaı sýǵa shomylý kezinde) sýǵa batyp ketken.
Bir mezette eki adam qaza bolý faktileri de kezdesti, dep habarlaıdy QazAqparat HAA tilshisi.
Aýa raıynyń kúrt ysýyna baılanysty sý aıdyndarynda adamdardyń shomylý sany kóbeıdi. Olardyń belgilenbegen jerlerde sýǵa túsý faktileri az emes. Óńirde sýǵa shomylý maýsymy basynan beri Ortaq sý paıdalaný qaǵıdalaryn buzǵan 43 jeke tulǵa ákimshilik jaýapkershilikke tartyldy.
Sýda oryn alǵan qaıǵyly jaǵdaılarǵa negizgi sebepter sýdaǵy qaýipsizdik erejeleriniń óreskel buzylýy, sý aıdyndarynyń jabdyqtalmaǵan jerlerinde sýǵa túsýi jáne kámelet jasqa tolmaǵan balalardy ata-analardyń qaraýsyz qaldyrýy bolyp otyr.
