Qyzylorda oblysynda 162 myń adam koronavırýsqa qarsy vaktsına saldyrdy

QYZYLORDA. QazAqparat - Qyzylorda oblysynda 162 myńnan astam adam koronavırýsqa qarsy vaktsına saldyrdy, dep habarlaıdy QazAqparat tilshisi.

Óńirde qaterli indetke qarsy ekpe qabyldaý 1 aqpannan bastaldy.

Nátıjesinde qazir vaktsınanyń birinshi komponentin alǵandar 162 myńnan assa, ekinshi komponentin 87 myńnan astam adam saldyrdy.

Oblystyq densaýlyq saqtaý basqarmasynyń habarlaýynsha, ekpe qabyldaǵandar qatarynda pedagogter, medıtsına salasynyń mamandary, quqyq qorǵaý organy qyzmetkerleri, memlekettik qyzmetshiler, stýdentter sany basym.

Óńirde ótken táýlikte 3864 adam qaterli indetke qarsy ekpe saldyrdy.

Oǵan qosa vaktsına saldyrǵandar qatarynda jumyssyzdar, zeınetkerler men kásipkerler sany artyp keledi.

«Óńirde sozylmaly syrqaty adamdar da ekpe qabyldaýǵa nıet bildirdi. Sondaı-aq, egde jastaǵy adamdar da qaterli indetke qarsy vaktsına qabyldaýda. Vaktsınadan keıin turǵyndarda asqyný bolǵan joq», - dep málim etti Qyzylorda oblystyq densaýlyq saqtaý basqarmasynan.

Turǵyndar «Spýtnık V», «QazVac» jáne «Hayat-Vax», «Korona Vak» vaktsınalarynyń birin tańdaı alady.

Ekpeniń jetkilikti qory barlyq medıtsına uıymdarynda jasaqtalǵan.