Qyzylorda oblysynda 1608 páterlik 94 turǵyn úı paıdalanýǵa beriledi

QYZYLORDA. QazAqparat - Qyzylorda oblysynda bıyl 1608 páterdi quraıtyn 94 turǵyn úı paıdalanýǵa beriledi, dep habarlaıdy QazAqparat tilshisi.

Bıyl oblysta «Nurly jer» memlekettik baǵdarlamasy aıasynda 2158 páterdi quraıtyn 105 turǵyn úıdiń qurylysy júrgizilmek. Al jyl aıaǵyna deıin 1608 páterlik 94 turǵyn úı paıdalanýǵa beriledi dep kútilýde.

«Aıta keterligi, «Nurly jer» memlekettik baǵdarlamasy aıasynda bıyl 695 páterdi quraıtyn 49 arendalyq turǵyn úı paıdalanýǵa beriledi. Onyń ishinde 232 páter halyqtyń áleýmettik jaǵynan osal toptaryna tabystalsa, 463 páter az qamtylǵan kóp balaly otbasylaryna arnalǵan. Sonymen qatar, QR Ulttyq qor esebinen bólingen 2.8 mlrd teńgege az qamtylǵan kóp balaly otbasylar úshin 342 jalǵa beriletin páter satyp alynady», - dedi oblystyq qurylys, sáýlet jáne qala qurylysy basqarmasy basshysynyń orynbasary Arnur Nurmaǵanbetov.

Sondaı-aq, Qyzylorda qalasynyń sol jaǵalaýynan 2022-2023 jyldary memlekettik baǵdarlama aıasynda 9 jáne 12 qabatty úıler salynady dep josparlanýda.

Aıta ketsek, Qyzylorda oblysynda bıyl 355 shaqyrym jol jóndeledi.