Qyzylorda oblysynda 16 myńnan asa adam koronavırýs juqtyrǵan

QYZYLORDA. QazAqparat - Qyzylorda oblysynda ótken jyldan bastap 16 509 adam koronavırýs juqtyrǵan. Olardyń 78,9%-y bıylǵy jyly anyqtalǵan, dep habarlaıdy QazAqparat tilshisi.

Óńirde búginde epıdahýal birshama turaqtaldy. Oblys «sary» aımaqtaǵy ornyn saqtap tur. «Kúz mezgili tumaý, salqyn tııý sekildi aýrý ınfektsııalaryn qozdyrady. Bul kezeńde koronavırýs ınfektsııasy tumaýmen aralasyp, aýrýdyń asqyný qaýpi bar. Sondyqtan vaktsına alyp, saqtyq sharalaryn saqtaǵan jón. Degenmen bosańsýǵa áli de erte», - dedi oblystyq densaýlyq saqtaý basqarmasy basshysynyń orynbasary Jalǵasbek Úsenov.

Oblysta ótken jyldan bastap koronavırýs ınfektsııasyn juqtyrýdyń 16 509 deregi tirkelgen. Onyń 21%-y 2020 jylǵy esepke alynsa, 78,9% bıyl anyqtalǵan.

Barlyq tirkelgen koronavırýs ınfektsııasynyń 2% syrttan tasymaldanǵan. 58% skrınıng tekserý nátıjesinde anyqtalsa, 40% qarym-qatynas arqyly juqtyrǵandyǵy belgili boldy. Eske salsaq, Qyzylorda oblysynda 3 374 nysan Ashyq júıesine qosylǵan.