Qyzylorda oblysynda 16 kún ishinde 3141 adam koronavırýs juqtyrdy
Qazir óńirde 13576 qaterli inde quryǵyna ilikti. Al 10858 adam koronavırýstan qulan-taza aıyqty. Aımaqta 16 kún ishinde 3141 jaǵdaı tirkelgen.
«Vırýstyń mýtatsııalanǵan shtamdarynyń ınkýbatsııalyq kezeńi eki-úsh kúnde bas kóteredi. Ýaqytyly qaralmaı, medıtsınalyq em qabyldamaǵan jaǵdaıda aýyr halge ákep soǵady. Statıstıkalyq taldaý júrgizgende ekpeniń áseri óte joǵary ekenin baıqadyq. Ekpe egilgender aýrý belgisi jeńil ótedi. Taǵy bir aıta keterligi, naýqastanǵan jandardyń ekpe alǵandary men almaǵandaryna eki túrli em-sharalar jasalady. Sondyqtan da jalǵan qujat alǵandar óz ómirlerine ózderi qaýip tóndirmek, - dedi oblystyq sanıtarııalyq-epıdemıologııalyq baqylaý departamenti basshysynyń orynbasary Álııa Ábdiqaıymova.
Eske salsaq, Qyzylordada buǵan deıin 253 myńnan astam adam koronavırýsqa qarsy vaktsına saldyrdy.