Qyzylorda oblysynda 157 myń ga jer memleket menshigine qaıtaryldy
Bıyl 71,9 myń ga qaıtarylsa, jyl sońyna deıin barlyǵy 200 myń ga jerdi qaıtarý josparlanyp otyr. Bul týraly «Jer amanaty» respýblıkalyq komıssııasynyń óńirdegi kóshpeli otyrysynda aıtyldy.
Óńirge jumys saparymen kelgen «Jer amanaty» komıssııasy tóraǵasynyń orynbasary, Májilis depýtaty Baqytjan Bazarbek, komıssııa múshesi, Májilis depýtaty Murat Ábenov, AShM Jer resýrstaryn basqarý komıteti tóraǵasynyń orynbasary Aıdos Abdrahmanov Jalaǵash jáne Syrdarııa aýdandarynda bolyp, Tań, Aqjarma eldi mekenderiniń turǵyndarmen jáne sharýa qojalyq ıelerimen kezdesti.
Zańǵa enip jatqan ózgerister tóńireginde jergilikti turǵyndarǵa «Jer amanaty» komıssııasy tóraǵasynyń orynbasary, Májilis depýtaty Baqytjan Bazarabek aıtyp berdi.
«Jaıylymdar týraly zańda ózgerister óte kóp. Mysaly «Qoǵamdyq jaıylymdar» degen uǵym engizip otyrmyz. ıAǵnı, paıdalanylmaı bos jatqan jaılymdyq jerlerdi aqparattyq bazada qoǵamdyq jaıylym dep engizemiz. Bul jer ákimdik tarapynan basqa bireýlerge berilmeıdi. Munan bólek konkýrssyz jer berý máselesin toqtatýdy qolǵa aldyq. Konkýrsta sol aýylda keminde 5 jyl turǵan azamattar men kooperatıvterge qosymsha ball berilý múmkindigin kúsheıtip jatyrmyz jáne úleskerler úshin arnaıy zań jobasyn usynyp otyrmyz»,- dedi ol.
Óz kezeginde komıssııa múshesi, Májilis depýtaty Murat Ábenov aýyl sharýashylyǵy taýaryn óndirýshiler úshin memlekettik qoldaý sharalaryna teń qoljetimdilik jaǵdaı qalyptastyrýdyń mańyzdylyǵyna toqtaldy.
«Syr óńir – kúrishtiń otany ekeni belgili. Elimizde reformalar jasalǵan kezde kúrishti egip, baptaýdaǵy túrli máseleler eskerilmeı qalady. Kúrishshiler erekshe agrarlyq jaǵdaıǵa táýeldi: jer tep-tegis, sý molynan bolýy kerek, melıoratsııalyq júıeler, arnaıy tehnıkalar qajet. Kúrishshilerdiń kópshiliginde 20 gektarǵa deıin egis salatyn shaǵyn sharýashylyqtar. Myqty qymbat tehnıkany, qajetti hımıkattar men sapaly tuqymdy iri kompanııalar ǵana ala alady. Osy erekshelikti eskerý kerek. Shaǵyn sharýashylyqtar úshin de jabdyqqa jáne qarjylandyrýǵa teń qoljetimdilikti qamtamasyz etý boıynsha jumys isteý kerek», - dedi ol.
Sonymen qatar, «Jer amanaty» komıssııasynyń músheleri oblys ortalyǵynda azamattardy qabyldady. Qabyldaýǵa kelgen azamattar saıajaılyq jerdiń maqsatyn nysanaly turǵyn úıge aýystyrý, úlestik jerdi bólýdegi kemshilikter, sharý qojalyǵy tóraǵasyn saılaý, azamattarǵa turǵyn salýǵa beriletin jerdiń merzimin uzartý, kásipkerlik maqsatta paıdalanylyp otyrǵan jer kólemin ulǵaıtý sekildi birqatar máseleni alǵa tartty. Komıssııa músheleri árbir turǵynnyń ótinishin nazarǵa alyp, zańnamalyq turǵyda keńes berdi.
