Qyzylorda oblysynda 136 shaqyrym sý júıesi jańǵyrtylady

 QYZYLORDA. QazAqparat - Qyzylorda oblystyq energetıka jáne turǵyn úı-kommýnaldyq  sharýashylyq basqarmasynyń basshysy Medet Ýsaınnyń aıtýynsha,  «Nurly jol» baǵdarlamasy aıasynda 13 jobany iske asyrý josparlanyp otyr.

Bul týraly QazAqparat  HAA  tilshisi habarlady.

Atap aıtqanda, 2018 jylǵa deıin 136 shaqyrym aýyz sý qubyrlary jańǵyrtylatyn bolady. Sonymen qatar, Eýropalyq jańǵyrtý jáne damý bankimen birlesip «Qyzylorda qalasynyń sýmen qamtý júıelerin salý jáne jańǵyrtý» jobasy aıasynda qalanyń aýyz sý jáne káriz júıeleriniń elektrondy kartasy ázirlenip, bıllıng júıesin engizý jumystary jasalýda.  
  
 Aldaǵy ýaqytta ortalyqtandyrylǵan aýyz sýǵa qosylǵan aýyldyq eldi mekender sanyn 80 paıyzy jetkizý josparlanǵan. Búgingi kúni  aımaqtaǵy 261 aýyldyq eldi mekenniń 194-i ortalyqtandyrylǵan aýyz sý júıesine qosylǵan. Bul aýyldyq eldi mekenderdiń 74 paıyzyn quraıdy.