Qyzylorda oblysynda 124 adam úıde oqshaýlaný tártibin buzǵan
Jyl basynan beri 124 adam úıde oqshaýlaný tártibin saqtamaǵan. Onyń 121-i «qyzyl» , 3-i «sary» mártebege ıe. QR Ákimshilik quqyq buzýshylyq týraly kodeksiniń 425-babyna sáıkes karantın talabyn buzǵan 2 adamǵa jalpy kólemi aıyppul salyndy. Al naýqastarmen qarym-qatynasta bolǵan 3 adamǵa oqshaýlaný tártibin saqtaý týraly qaýly shyǵaryldy.
«Ashyq» júıesi kásipkerlik nysandar qyzmeti men epıdemıologııalyq ahýal arasyndaǵy teńgerimdi saqtaý boıynsha óz tıimdiligin kórsetip otyr. Bul júıe qyzmettiń 38 túrine engizilgen. Búgingi kúni Qyzylorda oblysynda 3 972 nysan «Ashyq» júıesine qosylǵan. Júıe iske qosylǵan ótken jyldyń sáýirinen bastap «qyzyl» jáne «sary» mártebe boıynsha 1 282 adam karantındik oqshaýlaný tártibin buzǵan. Olardyń ishinde PTR-diń oń nátıjesimen 863 naýqas jáne 419 baılanysta bolǵan adam bar.
Vedomstvo málimetinshe, sońǵy ýaqytta indetke shaldyqqan naýqastar men olarmen baılanysta bolǵan adamdar arasynda oqshaýlaný tártibin buzý jaǵdaılary azaıýda.
Eske salsaq, Qyzylordada ekpe qabyldaýǵa qabiletti turǵyndardyń 93,1 paıyzy vaktsına saldyrdy.
