Qyzylorda oblysynda 123 myńnan astam adam revaktsınatsııadan ótti
Ótken jyldyń 22 qarashasynan bastap vaktsınanyń 2 týrymen qamtylyp, 6 aı aralyq merzimi ótken azamattarǵa býsterli dozasyn egý qolǵa alyndy. Bul boıynsha koronavırýspen aýyrǵan adamdarǵa da atalǵan merzim bekitilgen.
«Oblys boıynsha revaktsınatsııalaý qarqyny jaman emes. Elimizde aldyńǵy qatarda kelemiz. Ótken jyldyń 22 qarashasynan bastalǵan revaktsınatsııadan 123 891 turǵyn ótip, vırýsqa qarsy ımmýnıtetin kúsheıtti. QR Bas memlekettik sanıtarııalyq dárigeriniń 18 aqpandaǵy №11 Qaýlysyna sáıkes medıtsınalyq qyzmetkerler, múgedektigi bar adamdar jáne 50 jas pen odan asqan adamdarǵa Pfizer preparatymen revaktsınatsııa jasaýǵa ruqsat etildi», - dep málim etti oblystyq Sanıtarııalyq-epıdemıologııalyq baqylaý departamentinen.
Vedomstvo málimetinshe, oblystaǵy barlyq ekpe kabınetinde revaktsınatsııa, vaktsınatsııa jasaýǵa ekpe qory jetkilikti.
Eske salsaq, Qyzylordada jyl basynan beri 4 642 adam koronavırýs juqtyrdy.
