Qyzylorda oblysynda 120 myńnan astam adam koronavırýsqa qarsy egildi
QYZYLORDA. QazAqparat – Qyzylorda oblysynda koronavırýs ınfektsııasyna qarsy vaktsına saldyrǵan azamattar sany 120 myńnan asty, dep habarlaıdy QazAqparat tilshisi.
Óńirde qaterli indetke qarsy ekpe qabyldaý 1 aqpannan bastaldy. Nátıjesinde qazir vaktsınanyń birinshi komponentin alǵandar 120 myńnan assa, ekinshi komponentin 66 myńnan astam adam saldyrdy.
«Ekpe qabyldaǵan azamattar qatarynda pedagogter – 26, medıtsına qyzmetkerleri – 13, quqyq qorǵaý organdary qyzmetkerleri – 5, memlekettik qyzmetshiler – 4, stýdentter 3 adamdy quraıdy. Oǵan qosa vaktsına saldyrǵandar qatarynda jumyssyzdar, zeınetkerler men kásipkerlik salasynyń ókilderi bar. Óńirde sozylmaly syrqaty bar 844 adam ekpe qabyldaǵan. Aıta keterligi, 70-86 jas aralyǵyndaǵy birqatar egde jastaǵy adamdar da qaterli indetke qarsy vaktsınalandy. Vaktsınadan keıin turǵyndarda asqyný bolǵan joq», - dedi oblystyq Sanıtarııalyq-epıdemıologııalyq baqylaý departamentiniń basshysy Dınara Jańabergenova.
Qazir oblys kóleminde 19 ekpe kabıneti jáne 10 jyljymaly egý brıgadasy jumys jasaıdy. Vaktsınatsııa kabınetteri demalys, mereke kúnderi de úzdiksiz qyzmet kórsetedi. Turǵyndar «Spýtnık V», «QazVac» jáne «Hayat-Vax», «Korona Vak» vaktsınalarynyń birin tańdaı alady. Ekpeniń jetkilikti qory barlyq medıtsına uıymdarynda jasaqtalǵan.
