Qyzylorda oblysynda 12 adamnyń koronavırýsty qaıdan juqtyrǵany anyqtaldy
Bul jóninde Qyzylorda oblystyq taýarlar, qyzmetterdiń sapasy men qaýipsizdigin baqylaý departamenti habarlady
Naýqastardyń 11-i Shıeli aýdanynda tirkelgen. Al 1 jaǵdaı Aral aýdanynda anyqtaldy. Barlyǵy da koronavırýstyq ınfektsııa juqtyrǵan adammen qarym-qatynasta bolǵan. Soǵan baılanysty karantındik statsıonarǵa jatqyzylyp, zerthanalyq synamalar alynǵan. Zertteý qorytyndysymen olardan COVID-19 dıagnozy naqtylandy.
«Qazirgi tańda naýqastardyń jaǵdaılary qanaǵattanarlyq. Bekitilgen hattamaǵa sáıkes tıisti em júrgizilýde. Naýqastarmen qarym-qatynasta bolǵan adamdar anyqtalyp, barlyǵy medıtsınalyq baqylaýǵa alynýda. Aýrý oshaqtarynda epıdzertteý jumystary, dezınfektsııalyq jumystar júrgizilýde. 2020 jyldyń 7 sáýirindegi jaǵdaı boıynsha aımaqta koronavırýs ınfektsııasyna shaldyqqan 66 adam anyqtaldy. Qyzylorda qalasynda – 9 jaǵdaı tirkelse, Jańaqorǵan aýdanynda – 16, Qarmaqshyda – 4, Shıelide – 35 jaǵdaı, Syrdarııa aýdanynda-1, Aral aýdanynda – 1 jaǵdaı esepke alynǵan», - dep málim etti Qyzylorda oblystyq taýarlar, qyzmetterdiń sapasy men qaýipsizdigin baqylaý departamenti.