Qyzylorda oblysynda 110 myń adam koronavırýsqa qarsy vaktsına saldyrdy
QYZYLORDA. QazAqparat - Qyzylorda oblysynda koronavırýsqa qarsy vaktsına qabyldaǵan turǵyndar sany 110 myń adamnan asty, dep habarlaıdy QazAqparat tilshisi.
Oblysta 1 aqpannan beri koronavırýsqa qarsy salynatyn vaktsınanyń 238 350 dozasy jetkizilgen. Ekpe qabyldaǵan azamattarǵa «QazVac-in», «HayatVax», «Spýtnık – V», «CoronaVac» vaktsınalary salynýda.
Aıta keteıik, búgingi kúnge deıin oblysta 110263 adamǵa qaterli indetke qarsy vaktsına salyndy. Olardyń ishinde 45 myńnan astamy oblys ortalyǵynyń úlesine tıse, qalǵany - aýdandarda turatyn azamattar.
Ótken táýlikte óńirde 2754 turǵyn qaterli indetke qarsy vaktsına saldyrdy.
«Aıta keterligi, ekpe qabyldaǵan azamattar dárigerler baqylaýynda, densaýlyq jaǵdaıyna shaǵymy joq», - dep málim etti Qyzylorda oblystyq Densaýlyq saqtaý basqarmasynan.
Óńirde 106 ekpe kabıneti ashylyp, 37 jyljymaly kóshpeli pýnkttiń jumysy uıymdastyrylǵan. Al, oblys boıynsha 19 medıtsına mekemesinde koronavırýs ınfektsııasyna qarsy egý jumystary júrgizilýde. Barlyǵy qajetti muzdatqysh jabdyqtarymen, muzdatý elementterimen qamtamasyz etilgen. Immýndaý naýqanyna 130-dan astam medıtsına qyzmetkeri tartylǵan.
