Qyzylorda oblysynda 11 saılaý ýchaskesi saǵat 6-da ashyldy

QYZYLORDA. QazAqparat - Syr óńirindegi 11 saılaý ýchaskesinde áskerıler, munaıshylar, emdeý mekemeleriniń qyzmetkerleri daýys berdi, dep habarlaıdy QazAqparat.

Qyzylorda oblysynda tańǵy saǵat 6.00-de 11 ýchaske ashyldy. Qalǵan ýchaskeler saǵat 7.00-de óz jumysyn bastady.

Aımaq boıynsha barlyǵy 373 saılaý ýchaskesi bar. Onyń 29-y erekshe jaǵdaıdaǵy, ıaǵnı áskerı garnızondar, tergeý ızolıatorlary, vahtalyq qalashyqtar men emdeý mekemeleri.

Alǵash bolyp QR Ulttyq ulany «Ońtústik» óńirlik qolbasshylyǵy 5547 áskerı bóliminiń 304 sarbazy men qyzmetkeri óz daýysyn berdi.

Taǵy bir ýchaskede «Qumkól» kenishinde aýysymmen eńbek etip jatqan azamattar tańmen talasa saılaý ýchaskesine keldi.

Aýysymmen jumys isteıtin munaıshylar bir mezette óz tańdaýyn jasap, azamattyq belsendiligin tanyta bildi.

Aıta keteıik, Qyzylorda oblysynda 486 002 saılaýshy bar.