Qyzylorda oblysynda 100 myńynshy turǵyn koronavırýsqa qarsy vaktsına saldyrdy
QYZYLORDA. QazAqparat - Qyzylorda oblysynda 100 myńynshy turǵyn koronavırýsqa qarsy vaktsına saldyrdy, dep habarlaıdy QazAqparat tilshisi.
Bul ońdy oqıǵa oblys ortalyǵyndaǵy №3 qalalyq emhanada tikeldi. Qala turǵyny Gúlnar Quljanova oblys boıynsha vaktsına saldyrǵan 100 myńynshy adam retinde esepke alyndy.
Emhana ujymy osyǵan oraı oǵan syı-qurmet kórsetti. Ol otandyq «QazVac» vaktsınasyn saldyrýǵa tańdaý bildirdi.
«Men búgin koronavırýsqa qarsy vaktsına saldyrdym. Densaýlyǵymda eshqandaı qobaljý bolǵan joq. Qaterli indettiń toqtatýdyń jalǵyz amaly – vaktsına saldyrý. Sondyqtan barsha jerlesterimdi ekpe egýde belsendilik tanytýǵa shaqyramyn», - dedi Gúlnar Quljanova.
Óńirde búginde 800 myńnan astam adam turady. Dárigerlerdiń aıtýynsha, olardyń 370 myńnan astamy ekpe qabyldaýy tıis.
Al №3 emhanaǵa búginge deıin koronavırýsqa qarsy 9649 doza vaktsına keldi. Onyń 8583-i birinshi komponentte salyndy. Ol 88,9 paıyzyn quraıdy. Al emhanaǵa vaktsınanyń ekinshi komponenti boıynsha 7945 doza ákelinip, 74,7 paıyzy turǵyndarǵa salyndy.
Eske salsaq, Qyzylordada koronavırýs vaktsınasyn saldyrǵandar qatarynda aýyl turǵyndary kóp.
