Qyzylorda oblysynda 1 mlrd-tan astam teńgege balalar lageri salyna bastaldy
QYZYLORDA. QazAqparat-Qyzylorda oblysynyń Josaly kentinde balalardyń jaz jáne qys mezgilderinde demalýyna arnalǵan jańa lager boı kótere bastady, dep habarlady QazAqparat HAA tilshisi.
Jalpy smetalyq quny 1 mlrd 292 mln teńgeni quraıdy. Aýmaǵy 5 ga bolatyn jerde 200 ge jýyq balaǵa arnalǵan 4 jatyn ǵımarat (ekeýi - qyzdarǵa, ekeýi uldarǵa arnalǵan), sport zaly, klýb, ákimshilik jáne sharýashylyq ǵımarattary ornalasatyn bolady. Qurylysty «Promstroıservıs-E» JShS júrgizýde. Qazirgi ýaqytta atalǵan nysannyń jeri tegistelip, onyń irge tasyn quıý jumystary atqarylýda.
Aıta keteıik, aýdandaǵy «Jas órken» balalar tynyǵý lageri 2006 jyly sý astynda qalyp, jumysyn toqtatqan bolatyn. Sol ýaqyttan beri aýdan oqýshylary jazǵy demalysyn basqa aýdandardaǵy jáne respýblıkanyń ózge aımaqtaryndaǵy lagerlerde ótkizip keledi.
