Qyzylorda oblysynan Astrahanǵa et ónimderi eksporttalady
QYZYLORDA. QazAqparat - Qazaly aýdanynda aýylsharýashylyǵy salasy boıynsha baspasóz týry uıymdastyryldy, - dep habarlady QazAqparat tilshisi.
BAQ ókilderi aldymen Aqtan batyr aýyly Sheńgeldi ýchaskesindegi «Syr marjany» JShS mal bordaqylaý kesheniniń jumysymen tanysty. Bastapqyda 500 basqa arnalǵan mal bordaqylaý alańynyń qýaty endi 3000 basqa jetkizilgen. Munda iri qara maldar úsh aı semirtilip, bordaqylanady. Alańda jyl basynan beri 200-den astam sıyr bordaqylanyp, onyń 100-i soıylyp, satyldy. Alań janynan et konservileý zaýytyn ashý josparlanyp, et klasterin jasaý úshin daıyndyq jumystary bastaldy. Reseı Federatsııasy Astrahan qalasynyń ákimshiligimen 20 tonna et ónimin eksportqa shyǵarý jóninde memorandým jasaý boıynsha kelissózder júrgizilýde.
Munan soń tilshiler qaýymy «RZA-Agro» JShS-niń egis alqabynda boldy. Aýdannan ózge, oblys kóleminde kúrish óndirisi salasynda ózindik oryny bar «Rza-Agro» JShS bıylǵy jyly 4895 gektar jerge aýylsharýashylyǵy daqyldaryn ornalastyrdy. 2500 gektarǵa kúrish egildi. Onyń 1473-i «Lıder», 852-i «ıAntar», 60-y reseılik «Svetlyı», 50-i «Favarıt», 65-i otandyq «KazER-6» sorttary. Osy jyly 150 gektar bıdaı egilip, ár gektarynan 12,5 tsentner ónim jınaldy. Buǵan qosa 310 gektar maqsary daqyly egilip, gektarynan 4 tsentner ónim alyndy. Mal azyǵy daqyldary boıynsha 790 gektar eski jońyshqa orylyp, 1500 tonna jońyshqa shóbi daıyndaldy. Kelesi jyldyń egisine 5 tonna jońyshqa shóbi daıar. Sonymen birge 625 gektar jońyshqanyń ekinshi oramyna daıyndyq júrip jatyr. Buǵan qosa 500 gektar súrlemdik júgeri jınalý ústinde.
Kúrish jınaýǵa 3 «Djon-dır» jatkasy, 4 «Djon-dır» astyq jınaǵysh kombaıny, 7 «Enıseı», «JRK-5» jatkasy, 5 «Enıseı» astyq jınaǵysh kombaıny, 20 «T-150» tasymal trkatory tirkemesimen, 5 «Kamaz» avıomashınasy qatystyrylýda. Kelesi jyldyń egistigine mejelengen 4705 gektar súdigerdiń osy kezge deıin 400 gektary kóterilgen. Seriktestikte 247 adam turaqty jumyspen qamtylǵan. Al maýsymdyq, kóktem, kúz aılaryndaǵy jumystarǵa 80 adam tartylǵan. Seriktestik tuqym ósirý sharýashylyǵymen de aınalysatyndyqtan keler jyldyń kúrish egisine 600 tonna I-reprodýktsııaly «ıAntar» tuqymy, 750 tonna II-reprodýktsııaly «Lıder» tuqymy quıylǵan.
