Qyzylorda oblysy vaktsına salý jóninen aldyńǵy qatarda keledi

QYZYLORDA. QazAqparat - Qyzylorda oblysynyń turǵyndary koronavırýsqa qarsy vaktsına saldyrý jóninen elimizde aldyńǵy qatarda keledi, dep habarlaıdy QazAqparat tilshisi.

Elimizde qaterli indetke qarsy ekpe alýdan Qyzylorda oblysy aldyńǵy qatarda keledi.

Búginge deıin oblysta vaktsınatsııanyń 1 komponentimen egilgender sany 225 110 adamǵa jetse, halyqtyń qamtylýy 55,8 paıyzdy qurady.

Al 2 komponentin alǵandar - 160 557 adam. Bul halyqtyń 39,2 paıyzyna teń.

«Óńirge otandyq «QazVac» vaktsınasynyń 4 myń dozasy jetkizilip, qala, aýdan emhanalaryna bólindi. Turǵyndar egý jumystaryn bastap ta ketti», - dedi oblystyq densaýlyq saqtaý basqarmasy basshysynyń orynbasary Jangeldi Shaıymbetov.

Osy ýaqytqa deıin ekpe alǵandar arasynda 130 adam koronovırýspen aýyrǵan. Tolyq 2 komponentin alǵandardyń ishinde ol 22 jaǵdaı ǵana tirkeldi.

Adam denesinde tolyq ımmýnıtet qalyptasý úshin 14-45 kún ótýi qajet.

Aıta ketý kerek, koronavırýs ınfektsııasyna qarsy ımmýndaý naýqanyna 106 ekpe kabıneti men 37 jyljymaly pýnkttiń jumysy uıymdastyrylǵan.

Eske salsaq, Qyzylorda oblysynda koronavırýs juqtyrǵan 89 adamnyń jaǵdaıy óte aýyr.