Qyzylorda oblysy: Syrdarııa aýdanynyń komandasy - Qazaqstan kýbogynyń ıegeri
QYZYLORDA. QazAqparat-Taraz qalasynda kógaldaǵy hokkeıden erler arasynda ótken Qazaqstan Respýblıkasynyń kýbogynda Qyzylordanyń «Qaısar» komandasy altyn júldeni jeńip aldy,dep habarlady QazAqparat tilshisi.
Oblys qurama komanda sapynda syrdarııalyqtar Nurhan Sansyzbaev, Baqytbek Sársenbaıuly, Murat Eshpanov, Baqytbek Táshenov, Ǵalymjan Álıev, Aqnıet Joldybaı, Dıas Áljanov, Erasyl Qaıqybekov, Shyńǵys Seıitqalıev, Eldos Seıtkereev, Nurlybek Uzaqov, Ashat Zulpyharov, Jalǵas Ibadýllaev, Dáýlet Álıev, Maǵjan Tórálıev, Oljas Áýezhan, Ashat Ermaǵanbetov jáne qazalylyq Muqaǵalı Sansyzbaevtar óner kórsetti.
«Qaısar» - 2016 jylǵy Qazaqstan Respýblıkasy chempıonatynyń jeńimpazy. Sondaı-aq, ındor hokkeıden áıelder komandasy bıylǵy jyly Katarda ótken Azııa kýbogynda 1-oryndy ıelenip, kelesi jyly Germanııada bolatyn Álem chempıonatyna joldamany jeńip alǵan bolatyn.
Syrdarııa aýdany «Qaısar» sport klýbynda tálim alatyn sportshylardy jarysqa oblystyń aǵa jattyqtyrýshysy, QR eńbek sińirgen jattyqtyrýshysy Sultanbek Qoblandın daıyndady.
Endigi maqsat - bıylǵy jyldyń tamyz aıynda kógaldaǵy hokkeıden erler arasynda ótetin Reseı eliniń ashyq chempıonatyna qatysý.
