Qyzylorda oblysy «sary» aımaqqa ótti
Jyl basynan beri eń joǵary kórsetkish aqpanda tirkelgen bolatyn. Bul aıda oblysta 240 adam koronavırýs juqtyrdy. Al sáýir aıynyń alǵashqy aptasynyń ózinde mundaı 201 jaǵdaı tirkelip otyr. Bul epıdemıologııalyq ahýaldyń kún saıyn kúrdelenip jatqandyǵyn kórsetedi.
Ótken táýlikte Qyzylorda oblysy boıynsha koronavırýs ınfektsııasyn juqtyrýdyń 22 jaǵdaıy kórinis berdi. Atap aıtqanda, Qyzylorda qalasynda 9 adam qaterli indettiń quryǵyna ilikse, aýdandar arasynda Aral men Syrdarııada - 2, Jańaqorǵanda - 3, Qazalyda - 6 jaǵdaıdan tirkeldi.
«Óńirde karantın rejıminiń engizilgenine bir jyldan astam ýaqyt ótti. Turǵyndardyń kóbisi saqtyq sharalaryn oryndaı bermeıdi. Bul jaǵdaıdy odan saıyn ýshyqtyra beredi. Betperde taǵý rejımi áli de saqtalyp tur. Halyqtyń 60 protsenti vaktsınalanǵan jaǵdaıda bul talaptar alynýy múmkin. Jaqyn arada oblysta jappaı vatsınalaý júrgiziledi. Ekpeniń kezekti partııasy kelgennen keıin kez kelgen turǵyn óziniń tirkelgen emhanasynan koronavırýsqa qarsy ekpe ala alady», - dep málim etti oblystyq sanıtarııalyq-epıdemıologııalyq baqylaý departamentinen.
Aıta keteıik, jyl basynan beri Qyzylordada jyl basynan beri karantın talaby 137 márte buzylǵan.