Qyzylorda oblysy men qalasynyń mereıtoılary qalaı atap ótilmek
«Syr eliniń qoınyna búkken qazyna-jaýharlaryna erekshe mán berip baptaý, olardy halyq arasynda keńinen nasıhattaý, óskeleń jas urpaqty otanshyldyq rýhta tárbıleýge jáne Táýelsizdiktiń qundylyǵyn uǵyndyrýǵa yqpal etedi. Osy rette, tamyz aıynyń aıaǵy men qyrkúıek, qazan aılary mereıli ári saıası oqıǵalarǵa toly ekenin eskere otyryp, Sizder arqyly barsha oblys halqyna Úndeý tastaǵym keledi. Otanǵa degen súıispenshilik – jıyndarda uran tastaý nemese án shyrqaý emes. Otanshyldyq bul – shynaıy patrıottyq sezim. Barlyq azamatymyzda jaýapkershilik bolsa ǵana, isimiz ońǵa basady. Tamyryn tereńnen tartyp, rýhanııatymen taý turǵyzǵan Syr jurtshylyǵy jarqyn bolashaq jolyna týra tańdaý jasap, aýyzbirshiliktiń úlgisin kórsetetindigine senimdimin. Jalpy, aldaǵy qoǵamdyq-mańyzdy sharalar azamattardyń jaǵymdy kóńil-kúıin qalyptastyrýǵa, turaqtylyqty, qoǵamdyq kelisim men jalpyulttyq birlikti nyǵaıtýǵa yqpal etedi. Osy oraıda, oblys ákiminiń bastamasymen aımaǵymyzdyń 7 aýdanynda mýzeı, kitaphana, muraǵat, neke qııý zaly, ardagerler jáne analar, jastar ortalyqtary syndy birqatar tarıhı-mádenı, rýhanı uıymdardy biriktiretin tıptik úlgidegi «Rýhanııat» ortalyqtary salynady», - dedi Qyzylorda oblystyq máslıhatynyń tóraǵasy Naýryzbaı Baıqadamov.
Qyzylorda oblysy ákimi apparatynyń basshysy Shahmardan Baımanov Qyzylorda oblysynyń mereıtoıyna arnalǵan sharalarǵa toqtaldy.
«Syr óńiriniń 85 jyldyq mereıtoıy aıasynda oblysta kóptegen ıgi sharalar uıymdastyrylady. Bul syr marjanyna oraq túsip, qamba astyqqa tolyp, sharýa adamy iltıpatqa bólenetin kezeń. Dástúrge aınalǵan Qyzylorda qalasy kúnimen ushtastyra otyryp merekelik sharalar ótkizý de oblysymyzdyń aıtýly mereıtoıyna erekshe mán beretini anyq. Negizgi sharalarǵa toqtalyp ótsem, jyr keshteri, kitap kórmeleri, Qyzylorda týraly retro kontsert, halyqaralyq folklorlyq mýzykalyq óner festıvali, respýblıkalyq aqyndar aıtysy, birqatar memleket jáne qoǵam qaıratkerleriniń ómiri men qyzmetine arnalǵan tanymdyq konferentsııalar uıymdastyrylady. Sonymen qatar, aımaqtyń qoǵamdyq-saıası damýy men tarıhı oqıǵalarynan syr shertetin respýblıkalyq ǵylymı-praktıkalyq konferentsııa ótkizý josparlanýda. Budan bólek, oblystyń 85 jyldyq tarıhyn keńinen aıshyqtaıtyn «Qyzylorda oblysy: tarıh, búgin, bolashaq» taqyrybynda arnaıy derekti fılm túsirý qolǵa alyndy. Budan bólek, joǵary mazmundy kitap shyǵarý jáne aımaqtyń kórikti jerleri beınelengen «FOTO KІTAP» ázirleý jumystary da júrgizilýde. Jyl saıyn dástúrli túrde ótetin «Altyn dán – 2023» merekesinde aýyl sharýashylyǵy jármeńkeleri, báıge saıystary uıymdastyrylyp, bul kún saltanatty sharamen qorytyndylanady. 25 qazan – Respýblıka kúnine oraı taqyryptyq konferentsııalar men saltanatty jıyndar, 15 qarasha – Ulttyq valıýta teńgeniń 30 jyldyǵyna merekelik sharalar uıymdastyrylmaq», - dedi Sh. Baımanov.
Qyzylorda qalasynyń ákimi Asylbek Shamenov Qyzylorda qalasynyń 205 jyldyǵyna qatysty merekelik sharalarǵa toqtaldy.
«Bıyl Qyzylorda qalasyna – 205 jyl. Qalyptasý tarıhynyń ár kezeńi jeke-jeke baıandalyp, zerdelenetin, azat elimizdiń dýman baıraǵyna, saltanat tuǵyryna aınalǵan, ózgeris isimen órnektelgen tolaǵaı tabysqa toly Táýelsizdik jyldaryndaǵy Syr óńiriniń qarqyndy damýyna sholý jasalatyn Qala kúni barsha qyzylordalyqtar asyǵa kútetin merekelerdiń birine aınaldy. Qala kúnin merekeleýge baılanysty 20 tarmaqtan turatyn is-sharalar jospary bekitildi. Sáıkesinshe, osy jyldyń qyrkúıek aıynyń basy men qazan aıynyń ekinshi on kúndigine deıin arnaıy bekitilgen jospar boıynsha shahar turǵyndary men qonaqtaryna merekelik kóńil-kúı syılaıtyn túrli deńgeıdegi mádenı-kópshilik sharalar uıymdastyrý josparlanýda. Naqtyraq aıtqanda, qalalyq jastar resýrstyq ortalyǵynyń uıymdastyrýymen túrli deńgeıdegi sharalar, jáne osy kúni dástúrli «Jastar karnavaly»jastardyń karnaval sherýi ótkizilip, respýblıkalyq jaıdarmanshylardyń festıvaline ulasady. Qala kúnine arnalǵan merekelik sharalardyń saltanatty ashylýy Ortalyq alańda ótkiziledi dep kútilýde. Odan keıin, oblysqa qarasty 7 aýdan aýylsharýashylyq jármeńkelerin, keshki ýaqytta merekelik kontserttik baǵdarlamalaryn usynady», - dedi shahar basshysy.
