Qyzylorda oblysy qyrkúıekte tolyqtaı «Elektrondy balabaqsha» júıesine kóshedi

QYZYLORDA. QazAqparat - 2018 jyly Aral qalasy mańynda 37 tsıfrlandyrý jobasy júzege asyrylady. Olardyń barlyǵy bilim beri, densaýlyq saqtaý, kólik jáne turǵyn úı-kommýnaldyq sharýashylyq, kásipkerlik sııaqty salalarmen baılanysty, dep habarlaıdy «QazAqparat» HAA Qyzylorda oblysy ákimdiginiń resmı saıtyna silteme jasap.

«Biz pılottyq joba retinde birinshi kezekte júzege asyrylatyn jumystardy anyqtap aldyq. Aǵymdaǵy jyldyń aıaǵyna deıin oblysta 37 jobany iske asyrýdy josparlap otyrmyz», - dep oblys ákimi Qyrymbek Kósherbaev oblystyq máslıhattyń kezekti sessııasynda málimdedi.

Bilim berý salasynda osy jyldyń qyrkúıegine deıin oblystaǵy barlyq mektepke deıingi uıymdardy «Elektrondy balabaqsha» júıesine aýystyrý josparlanýda. Búgingi kúni bul júıemen 37,2% mektepke deıingi qalalyq uıymdar ǵana qamtylyp otyr, degenmen qazirgi tańda atalmysh júıeni aýdandarda da engizý boıynsha jumystar júrgizilýde. Ata-analardyń sábıin dúnıege kelisimen, birden úıden shyqpaı-aq balabaqshaǵa kezekke qoıý, kezektiń jyljýyn qadaǵalaý, sonymen qatar, balabaqsha qyzmetterin elektrondy júıe arqyly tóleý múmkindigi paıda bolady.

Al jalpy bilim berý mekemelerinde «Kúndelik» elektrondy jýrnalyna kóshý júzege jumystary asyrylady. Aqparattyq júıemen qamtý qazirgi ýaqytta 82,3% quraıdy. Aǵymdaǵy jyldyń qyrkúıek aıyna deıin barlyq mektepterdiń aqparattyq júıege qosylýy qamtamasyz etiledi.

Densaýlyq saqtaý salasyndaǵy oblystyń barlyq medıtsınalyq uıymdary Keshendi medıtsınalyq aqparat júıesine qosylǵan. Patsıentterdi qabyldaý «Damýmed» mobıldik qosymshasy arqyly júzege asyrylady.

Osy jylǵy 1 shildeden bastap medıtsınalyq uıymdardy «qaǵazsyz qujataınalymǵa» kóshirý boıynsha jumystar bastaldy. Osylaısha, jyldyń aıaǵyna deıin 62 qujat elektrondy formatqa aýystyrylady.

Turǵyn úı-kommýnaldyq sharýashylyq salasynda «Aqyldy turǵyn úı-kommýnaldyq sharýashylyǵy» jobasyn iske asyrý úshin málimetterdi jiberý, esepke alý qurylǵysymen jabdyqtaý boıynsha Qyzylorda qalasy Esim han kóshesindegi (Ippodrom) 6 kópqabatty úı anyqtaldy. Olar úıdi esepke alý qurylǵylary arqyly tańdalǵan úılerdiń kórsetkishterin óndiristik ınternet arqyly jumys isteıtin «E-shańyraq» biryńǵaı ıntellektýaldyq júıesine joldap otyratyn bolady.

Sonymen qatar, kásipkerlik salasyndaǵy mobıldik qosymshalar men «Open kasipker» saıty, aýyl sharýashylyǵy ónimderi týraly tolyq aqparat alýǵa bolatyn «Agrobırja» jobasy jáne elektrondy bılet berý júıesi men aıaldamalarǵa aqparattyq tablolardy ornatý boıynsha pılottyq joba bastaldy.