Qyzylorda oblysy gandboldan QR Jastar sport oıyndarynyń 3 dúrkin jeńimpazy atandy
QYZYLORDA. QazAqparat - 6-12 sáýir aralyǵynda Qyzylordada Qazaqstan Respýblıkasynyń 4-shi Jastar sport oıyndary aıasynda gandboldan jarystar ótti,-dep habarlady QazAqparat HAA tilshisi.
Oǵan Astana, Almaty qalalary, Almaty, Aqtóbe, Pavlodar, Ońtústik Qazaqstan, Shyǵys Qazaqstan, Qaraǵandy, Qostanaı jáne Qyzylorda oblystarynan 10 komanda qatysty.
Jeti kúnge sozylǵan jarys qorytyndysy boıynsha Qyzylorda oblysynyń komandasy úshinshi márte Jastar sport oıyndarynyń altyn júldesin jeńip aldy. Kúmis júldeni Ońtústik Qazaqstan oblysynyń sportshylary enshilese, qola júlde Astana qalasynyń komandasyna buıyrdy.
Saıystyń jeńimpaz jáne júldeger komandalary dıplom, medal, kýboktarmen marapattaldy.
