Qyzylorda oblysy bıýdjetiniń 67%-y áleýmettik salalarǵa baǵyttalǵan
Oblystyq máslıhattyń kezekten tys 16-sessııasy ótti. Oǵan oblys ákiminiń mindetin atqarýshy Q.Ysqaqov qatysty.
Aldymen turaqty komıssııalar men «Nur Otan» partııasy depýtattyq fraktsııasynyń birlesken otyrysynda depýtattar bıýdjettegi qosymsha qarjyny, satyp alýlardan únemdelgen aqshany qaıta bólýdi talqylady.
Oblystyq ekonomıka jáne bıýdjetti josparlaý basqarmasynyń basshysy S.Qulymbetovanyń aıtýynsha, qosymsha 2,5 mlrd teńge Qyzylorda jylý elektr ortalyǵyna mazýt alýǵa, «Qazsýshar» RMK «Aral» salynyp jatqan qurylystar kásiporny fılıalynyń qyzmetin sýbsıdııalaýǵa baǵyttalmaq. Oǵan qosa Shıeli jáne Aral aýdandyq ortalyq aýrýhanalary, Qyzylorda qalasyndaǵy kópqabatty turǵyn úı qurylystaryna jumsalady.
Sessııa qorytyndysynda oblystyq bıýdjetke engizilgen ózgertýler men tolyqtyrýlar maquldandy.
Búgingi kúni aımaq bıýdjeti 220 mlrd teńge bolsa, onyń 67 paıyzy áleýmettik salanyń máselelerin sheshýge baǵyttalǵan.
