Qyzylorda oblysy boıynsha sybaılas jemqorlyqpen kúres departamentiniń basshysy taǵaıyndaldy

QYZYLORDA. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha memlekettik qyzmet isteri departamentiniń basshysy, ádep jónindegi keńestiń tóraǵasy laýazymyna Abzal Muhımov taǵaıyndaldy. Bul týraly QazAqparat tilshisi oblystyq ákimdikke silteme jasaı otyryp habarlaıdy.

Abzal Sansyzbaıuly 1976 jyly týǵan. Qorqyt ata atyndaǵy Qyzylorda memlekettik ýnıversıtetin «fılologııa» jáne «ekonomıst-menedjer» mamandyqtary boıynsha bitirgen.

Eńbek jolyn 1994 jyly qalalyq, oblystyq telearnalardyń tilshisi retinde bastaǵan.

2001-2010 jyldary oblys ákimi janyndaǵy jastardy qoldaý oblystyq ortalyǵynyń dırektory, Syrdarııa aýdany N. Іlııasov  aýyldyq okrýginiń ákimi, Syrdarııa aýdandyq mádenıet bóliminiń bastyǵy, oblys ákiminiń apparatynda bas maman, QR Memlekettik qyzmet isteri agenttiginiń Qyzylorda oblysy boıynsha basqarmasy bastyǵynyń orynbasary, Qyzylorda qalasy ákiminiń orynbasary qyzmetterin atqarǵan.

2010-2013 jyldary QR Indýstrııa jáne jańa tehnologııalar mınıstrliginde, sondaı-aq Ekonomıkalyq damý jáne saýda mınıstrliginde departament dırektory, Premer-Mınıstri Keńsesiniń uıymdastyrý jumysy jáne aımaqtyq damý bóliminiń bas ınspektory, Qyzylorda oblysynyń bilim basqarmasynyń basshysy qyzmetterin atqarǵan.

2013-2014 jyldary «Nur Otan» partııasynyń Qyzylorda oblystyq fılıaly tóraǵasynyń orynbasary, 2014 jyldyń maýsym aıynan Aral aýdanynyń ákimi.