Qyzylorda oblysy boıynsha ishki memlekettik aýdıt departamentine jańa basshy taǵaıyndaldy

ASTANA. QazAqparat - Búgin, 9 qarashada Qyzylorda oblysynyń ákimi Qyrymbek Kósherbaev aktıv otyrysynda Qazaqstan Respýblıkasynyń Qarjy mınıstrligi ishki memlekettik aýdıt Komıtetiniń Qyzylorda oblysy boıynsha ishki memlekettik aýdıt departamentiniń basshysy laýazymyna taǵaıyndalǵan Qalıev Ǵanıjan Pirtazaulyn tanystyrdy.

Bul týraly oblys ákiminiń baspasóz qyzmeti habarlady.

Ǵ.Qalıev 1970 jyly týǵan. Almaty halyq sharýashylyǵy ınstıtýtyn «ekonomıst» jáne Qaztutynýodaǵy Qaraǵandy ekonomıkalyq ýnıversıtetin «zańger» mamandyqtary boıynsha bitirgen.

Eńbek jolyn 1991 jyly Qyzylorda qalasynyń baqylaý-revızııalyq basqarmasynyń revızor-baqylaýshysy retinde bastaǵan.

1992-2003 jyldary Qazaqstan Respýblıkasy Qarjy mınıstrliginiń qurylymyndaǵy memlekettik organdarda jaýapty qyzmetter atqarǵan.

2003-2010 jyldary Qazaqstan Respýblıkasynyń Ádilet mınıstrligi Qarjy departamentiniń dırektory, Qazaqstan Respýblıkasy Ortalyq saılaý komıssııasynyń qarjy-baqylaý bóliminiń meńgerýshisi jáne ákimshilik basqarmasynyń bastyǵy laýazymynda boldy.

2010-2016 jyldary Shyǵys Qazaqstan oblysynyń qarjylyq baqylaý ınspektsııasynyń, qurylymdyq ózgeristen keıin ishki memlekettik aýdıt departamentiniń basshysy qyzmetin atqardy.