Qyzylorda oblysy boıynsha «Batys Eýropa - Batys Qytaı» jobasynyń merdigerlerine qatań eskertýler aıtyldy
ASTANA. 20 mamyr. QazAqparat - 2011 jylǵy 19 mamyrda QR Kólik jáne kommýnıkatsııa mınıstrliginde mınıstr Berik Kamalıevtiń qatysýmen Qyzylorda oblysyndaǵy «Batys Eýropa - Batys Qytaı» jobasyn iske asyrý boıynsha jınalys ótti.
Otyrysqa Kólik jáne kommýnıkatsııa mınıstrligi men merdigerlik kompanııalardyń ókilderi, sondaı-aq, jobany basqarý jáne qurylysty qadaǵalaý boıynsha konsýltanttar qatysty.
Otyrys barysynda, QR Kólik jáne kommýnıkatsııa mınıstrligi Avtomobıl joldary komıtetiniń tóraǵasy Zamır Saǵynov atalǵan jobany iske asyrý boıynsha basty ózekti máseleler týraly jáne qurylys jumystarynyń barysy jóninde óz baıandamasynda atap ótti.
Qyzylorda oblysy boıynsha qaıta salynatyn dálizdiń jalpy uzyndyǵy - 812 shaqyrym. Trassanyń barlyq qashyqtyǵy boıynsha 5 merdigerlik kompanııa jumys isteýde («Salını» AQ - 410 shq, «Akkord/Okan» BK - 107 shq, «Impreza» AQ - 50shq, «Azerkorpý» AQ - 28 shq, «Todını» AQ - 217 shq).
Oblys boıynsha qaıta salý jumystary 2010 jyly bastaldy. Ótken merzim ishinde merdigerlik kompanııalar 46 mlrd. teńgeni ıgerdi. Asfalt-beton jabynnyń tómengi qabatyn salý arqyly qashyqtyǵy 197 shaqyrym jańa joldy salý boıynsha jumystary júrgizildi.
Aǵymdaǵy jyly oblys boıynsha 79,9 mlrd.teńgeni ıgerý jáne 730 shq jańa joldy salý josparlanýda (275 shq - І tehnıkalyq sanatta, 455 shq - ІІ tehnıkalyq sanatta).
Sonymen qatar, avtomobıl joldary komıtetiniń oblystyq departamentteri jáne «Salını» AQ, «Akkord/Okan» BK, «Impreza» AQ, «Azerkorpý» AQ, «Todını» AQ fılıaldarynyń dırektorlary osy másele boıynsha esep berdi.
Otyrys barysynda kólik vedomstvosynyń basshysy jumys óndirýdiń kestesinen júıeli qalyp otyratyn jáne ákimshilik eskertýlerden naqty sheshimder qabyldamaıtyn merdigerlerge qatysty eskertýler aıtty. Jobanyń konsýltanttaryna qatysty talaptardy kúsheıtý qajettiligine nazar aýdardy. Osyǵan oraı, mınıstr avtomobıl joldary komıtetine jumystardy ýaqytyly jáne belgilengen jumystar kólemin sapaly oryndaý úshin barynsha sharalar qabyldaýdy tapsyrdy.
Mınıstr B. Kamalıev avtomobıl joldary komıtetiniń Qaraǵandy, Soltústik Qazaqstan jáne Qyzylorda oblystyq departamentteri basshylaryna merdigerlik uıymdardyń jol tósenishine jer qoınaýyn paıdalaný quqyǵyn qolma-qol rásimdeý boıynsha qajetti sharalar qabyldaýdy tapsyrdy. Jobany basqarý jáne qurylysty qadaǵalaý konsýltanttaryna aǵymdaǵy jyly 26 mamyrǵa deıin merzimde «Impreza» kompanııasymen kelisimshartty buzý boıynsha qajetti qujattardy daıyndaý, jol-qurylys materıaldaryn daıyndaý men tehnıkany jumyldyrý kestesin buzǵan merdigerlik kompanııalarǵa eskertýler berý tapsyryldy.
