Qyzylorda oblysy boıynsha 7 myńǵa jýyq túlek UBT-ǵa qatysady
QYZYLORDA. 25 mamyr. QazAqparat /Jańagúl Serdaly/ - Bıyl Qyzylorda oblysynda 9150 túlek mektep bitirdi, onyń 7 myńǵa jýyǵy Ulttyq biryńǵaı testileýge (UBT) qatysýǵa ótinish bildirdi.
Bul týraly QazAqparat tilshisine Qyzylorda oblystyq Bilim basqarmasynyń bastyǵy Jańyl Jontaeva aıtty.
Onyń sózine qaraǵanda, mektep bitirýshi jáne UBT-ǵa qatysýshy túlekter qatary ótken jylmen salystyrǵanda 2 myńdaı oqýshyǵa artty. Mektep bitirýshilerdiń 301-i - «Altyn belgiden», 217-si «Úzdik attestattan» úmitkerler.
Jańyl Jontaeva 2010 jylǵy UBT qorytyndysy boıynsha Qyzylorda oblysynyń bilim mekemeleriniń ortasha baly 88,7 baldy qurap, elimizde alǵash ret úshinshi orynǵa kóterilgenin atap kórsetti. «Onyń aldyndaǵy jyldary bul kórsetkish boıynsha 16-shy jáne 12-shi oryndarda turǵanymyzdy eskersek, ótken jyly qandaı serpilis bolǵanyn ańǵarý qıyn emes», - dedi ol.
Onyń aıtýynsha, 2010 jyly «Altyn belgiden» úmitker 181 túlektiń 130-y nemese 72,3 paıyzy óz bilimderin dáleldep shyqty. Sondaı-aq mektep bitirýshi túlekterdiń 1870-i memlekettik grantqa ıe bolyp, ózderi qalaǵan mamandyqtary boıynsha JOO-ǵa tústi. Al 2011 jyly oblys boıynsha túrli pán baıqaýlary boıynsha 25 oqýshy grant ıegeri atanyp otyr.
