Qyzylorda oblysy aýmaǵynan 76 esirtki alqaby anyqtaldy
QYZYLORDA. QazAqparat - QR Іshki ister mınıstrliginiń nusqaýyna sáıkes, 1 maýsym jáne 30 qazan aralyǵynda «Kóknar» jedel-profılaktıkalyq sharasynyń júrý kezine Qyzylorda oblysy Іshki ister departamentinde «Delta-Syrdarııa» óńirlik bólimshesi qurylǵan bolatyn.
Atalǵan bólimsheniń basty maqsaty - quramynda esirtki zaty bar ósimdikterdi anyqtaý, osyndaı derekterge qatysty kelip túsken habarlamalarǵa dereý túrde den qoıyp, barlyq quzyrly qyzmet salalarymen osy baǵyttaǵy jumysty úılestirý bolyp tabylady.
Qurylym óz jumysyn bastaǵaly beri oblys aýmaǵynda 76 esirtki qylmysy ashylyp, 58 esirtki alqaby anyqtaldy. Onyń 8-i Qyzylorda qalasy bolsa, 31-i Syrdarııa, 12-si Shıeli jáne 3-i Jalaǵash aýdanynyń aýmaqtarynan tabyldy. Esirtki alqaptarynyń basynan 53442 túp sora ósimdigi órteldi. Bul týraly QazAqparat tilshisi oblystyq ІІD silteme jasap habarlady.
Esirtki quralyn asa iri mólsherde saqtaýdyń 18 deregi tirkeldi. Odan bólek, zańsyz aınalymnan 600 kg-dan astam «marıhýana» esirtkisi tárkilendi.
Barlyq anyqtalǵan qylmystyq áreketter boıynsha tıisti tergeý jumystary júrgizilýde.
