Qyzylorda oblysy ákiminiń orynbasary koronavırýsqa qarsy vaktsına aldy
QYZYLORDA. QazAqparat - Búgin Qyzylorda oblysynda koronavırýs ınfektsııasyna qarsy vaktsınatsııa bastaldy. Oblys ákiminiń orynbasary Serik Ahmet «Spýtnık V» vaktsınasyn aımaqta birinshi bolyp saldyrdy, dep habarlaıdy QazAqparat tilshisi.
Búgin tańerteń oblysqa «Spýtnık V» vaktsınasynyń 1 myń dozasy keldi. Jalpy, jyl ishinde 80 myń doza kezeń kezeńimen jetkiziledi. Birinshi kezekte erikti túrde medıtsına qyzmetkerlerine, pedagogterge, sozylmaly aýrýlarmen syrqatanatyn toptaǵy adamdarǵa salynady. Al 18 jasqa deıingi balalar jáne 65 jastan asqar qarııalarǵa ekpe salynbaıdy. Búginde oblys boıynsha 14 egý kabıneti belgilendi. Budan bólek, shalǵaı eldi mekende turatyn azamattarǵa vaktsına salý úshin 46 jyljymaly egý brıgadasy uıymdastyryldy.
«Qazir oblys «jasyl» aımaqta. Epıdemıologııalyq ahýal turaqty. Kúrdelengen jaǵdaıda 8 statsıonar, 61 alǵashqy medıtsınalyq-sanıtarlyq mekeme jumyldyrylatyn bolady. 54 fıltr kabıneti, qosymsha 79 telefon shaqyrýlar men konsýltatsııalar úshin jumys isteıdi. Sondaı-aq, úı jaǵdaıynda qyzmet kórsetý úshin qosymsha 81 avtokólik qarastyrylǵan», - dep málim etti Qyzylorda óńirlik kommýnıkatsııalar qyzmetinen.
Aıta keterligi, Qyzylordada naýqastardyń basym bóligi koronavırýsty qarym-qatynas arqyly juqtyrǵan.
