Qyzylorda oblysy ákiminiń eki orynbasary aýysty
Ákimdiktiń óndiris, ınvestıtsııalyq saıasat, kásipkerlik jáne týrızm salalaryna jetekshilik jasaıtyn orynbasary bolyp Evgenıı Germanovıch Kım taǵaıyndaldy.
E.Kım 1975 jyly Qyzylorda oblysynyń Tasbóget kentinde týǵan.
Máskeý memlekettik qurylys ýnıversıteti men Qoǵamdyq ǵımarattar ınstıtýtynyń aspırantýrasyn bitirgen, ekonomıka ǵylymdarynyń kandıdaty.
Eńbek jolyn 1999 jyly Qorqyt Ata atyndaǵy Qyzylorda memlekettik ýnıversıteti ekonomıka jáne menedjment kafedrasynyń aǵa oqytýshysy bolyp bastaǵan. 2001-2004 jyldary Batys Qazaqstan oblysy ákimi apparaty syrtqy ekonomıkalyq baılanystar bóliminiń bas mamany, uıymdastyrý-baqylaý bóliminiń bas ınspektory bolǵan.
2004-2006 jyldary «Jetisý» aktsıonerlik qoǵamy prezıdentiniń keńesshisi, qarjy-analıtıkalyq departamentiniń dırektory, vıtse-prezıdenti laýazymynda boldy.
2006-2010 jyldary Mańǵystaý oblysy ákiminiń ekonomıka jónindegi keńesshisi, 2010-2012 jyldary «Larımı Invest Grýp» jaýapkershiligi shekteýli seriktestiginiń bas dırektory qyzmetin atqarǵan.
2012-2013 jyldary Qazaqstan Respýblıkasy Premer-Mınıstri orynbasarynyń keńesshisi boldy.
2013 jyldyń naýryz aıynan bastap búgingi kúnge deıin Qyzylorda oblysy ákiminiń keńesshisi qyzmetin atqaryp keldi.
Al, Rýslan Rústemuly Rústemov oblys ákimi Qyrymbek Kósherbaevtiń ishki saıasat jáne áleýmettik máseleler boıynsha orynbasary bolyp taǵaıyndaldy.
R.Rústemov 1968 jyly Qyzylorda oblysy Qarmaqshy aýdanynda dúnıege kelgen. Ál-Farabı atyndaǵy Qazaq memlekettik ulttyq ýnıversıtetin «fılolog, qazaq tili men ádebıetiniń oqytýshysy», «Bolashaq» ýnıversıtetin «memlekettik jáne jergilikti basqarý» mamandyqtary boıynsha bitirgen.
Eńbek jolyn 1994 jyly Qyzylorda pedagogıkalyq ınstıtýtynyń qazaq ádebıeti kafedrasynyń stajer-oqytýshysy bolyp bastaǵan.
1997-2002 jyldary Qyzylorda qalasy ákiminiń apparatynda maman, konsýltant, Qyzylorda qalasy ákiminiń baspasóz hatshysy, Qyzylorda qalalyq mádenıet bóliminiń meńgerýshisi, Qyzylorda qalasy ákimi apparatynyń ishki saıasat jáne áleýmettik sala bóliminiń meńgerýshisi qyzmetterin atqarǵan.
2002-2008 jyldary Qyzylorda oblystyq mádenıet basqarmasy bastyǵynyń orynbasary, Qyzylorda oblysy ákimi apparatynyń áleýmettik-saıası bóliminiń meńgerýshisi, 2008-2010 jyldary Shıeli aýdany ákimi apparatynyń jetekshisi, Shıeli aýdany ákiminiń orynbasary, 2010-2015 jyldary Qyzylorda oblysynyń tilderdi damytý basqarmasynyń basshysy, eki márte ishki saıasat basqarmasyn basqarǵan, Qyzylorda qalasy ákiminiń orynbasary laýazymynda qyzmet etken.
2015 jyldyń aqpan aıynan bastap búgingi kúnge deıin Jańaqorǵan aýdanynyń ákimi boldy.
Eske sala ketsek, osyǵan deıin oblys ákiminiń orynbasary laýyzymyn atqaryp kelgen Raýan Kenjehanuly basqa qyzmetke aýysýyna baılanysty Qyzylorda oblysy ákiminiń orynbasary qyzmetinen bosatyldy.
