Qyzylorda oblysy: 2017 jyly Jańaqorǵanda kópqabatty 16 úı boı túzeıdi
QYZYLORDA. QazAqparat - Jańaqorǵan aýdanynda bıyl ónerkásip óndirisiniń ósimi 126,9 paıyzdy qurap, oblys boıynsha aýdan alǵashqy orynǵa shyqty.
Bul týraly Óńirlik kommýnıkatsııalar qyzmetinde ótken brıfıngte aýdan ákimi Ǵalym Ámireev málim etti, dep habarlady «QazAqparat» HAA tilshisi.
Onyń aıtýynsha bıylǵy jyldyń 11 aıynda ónerkásip salasynda 101645,2 mln teńgeniń ónimi óndirilgen. Búgingi kúni ındýstrııalandyrýdyń óńirlik kartasyna aýdannan quny 1,747 mlrd teńge bolatyn 4 joba enip otyr. Atap aıtqanda, qıyrshyq tas zaýyttary - «Qazprom - Qyzylorda Kompanııasy» JShS, «KDSM Qyran» JShS, «ÝAD» JShS jáne tomat ónimin óndiretin «Tatý Agro» sharýa qojalyǵy. Sondaı-aq jylyna 500 myń tonna kúkirt qyshqylyn óndiretin «SKZ-U» JShS ındýstrııalandyrýdyń respýblıkalyq kartasyna engen.
2016 jyldyń 1 jeltoqsanyndaǵy málimet boıynsha, aýdan bıýdjetiniń jalpy túsimi 99,6 paıyzǵa oryndalyp, óz kiristeriniń oryndalýy 98,2 paıyzdy quraǵan.
«Údemeli ındýstrııalyq-ınnovatsııalyq damý baǵdarlamasy sheńberinde aýdanda birneshe jobalardy iske asyrý josparlanyp otyr. Sonyń biri, 2017 jyly Jańaqorǵan aýdanynda 16 kópqabatty turǵyn úı salynatyn bolady. Qazirdiń ózinde halyqtan 300-400 páterge suranys túsken. Buǵan kásipkerlikti qoldaýǵa baǵyttalǵan granttyq qarjylandyrý sheńberinde 30 mıllıon teńge qarastyrylǵan», - dedi aýdan ákimi.
