Qyzylorda oblystyq jer qatynastary basqarmasynda ashyq esik kúni ótkizildi

QYZYLORDA. Jeltoqsannyń 4-i. QazAqparat /Rýslan Igilik/ -  Qyzylorda oblystyq  jer qatynastary basqarmasynda úkimettik emes uıymdarmen áriptestik turǵyda baılanys ornatý maqsatynda ashyq esik kúni ótkizildi,

dep habarlaıdy QazAqparat tilshisi.

Basqarma bas­ty­ǵynyń orynbasary Marat Ábilqasymov mekemeniń at­qarǵan qyzmetteri men alda turǵan mindetteri jaıly keńinen aıtyp berdi. Basqarma tarapynan ústimizdegi jyldyń ózinde qyrýar is júzege asyryldy. Sonyń ishinde turǵyn úı qurylysy úshin jer telimderin suraǵan 46095 ótinish tirkelse, sonyń 15909-yna jer berilgen. Al qalǵan 30186 ótinish jergilikti atqarýshy organdardyń esebinde tur. Degenmen, áli de qolǵa alynar tirlik jeterlik. Sonyń bastysy, jerdi túgendeý men biryńǵaı avtomattandyrylǵan aqparattyq júıege kóshý arqyly derekter qoryn qalyptastyrýdy qazirgi ýaqyttyń ózi talap etýde. Sondyqtan da aldaǵy me­zette Qyzylorda qalasy men aýdandar ortalyqtary bo­ıynsha jer telimderin túgendeýdi júıelendire túsý qajet.