Qyzylorda oblystyq sotynda Astana kúni toılandy
QYZYLORDA.QazAqparat - Qyzylorda oblystyq sotynda Astana kúnine arnalǵan merekelik jıyn ótkizildi. Jıyndy ashqan oblystyq sottyń tóraǵasy Qambar Nuryshev Astana kúni merekesiniń tarıhyna toqtaldy, dep habarlaıdy QazAqparat HAA tilshisi.
«Memleket basshysy Nursultan Nazarbaevtyń strategııalyq kóregendigimen bas qala atanǵan, ajary kirip, aıbyny asqaqtaǵan Astana búgingi kúni elimizdiń boıtumaryna aınaldy, turaqty damýdyń, ósý men órkendeýdiń dańǵyl jolyna tústi. Bıyl bas qalamyzda ótip jatqan «EXPO-2017» halyqaralyq kórmesi de sózimizge dálel», - dedi Qambar Nuryshev.
Astana kúnin merekeleý qarsańynda birqatar oblystyq sottyń sýdıalaryna EXPO-2017 halyqaralyq kórmesiniń bıletteri tabystaldy.
Sonymen birge, Qyzylorda oblysy boıynsha Sottar ákimshisiniń basshysy Azamat Jumamuratov sot salasynda 16 jyl abyroıly qyzmet atqaryp, búgingi kúni basqa qyzmetke aýysqan Dımash Baıdýshevti Qurmet gramotasymen marapattady.
Іs-shara sońy merekelik kontsertke ulasty.
