Qyzylorda oblystyq soty balalar baqshasynyń múddesin qorǵady
QYZYLORDA. 16 aqpan. QazAqparat - Qyzylorda mamandandyrylǵan aýdanaralyq ekonomıkalyq soty talapker «Jazıra» balabaqshasy MKQK-niń jaýapker JK «J.Mysınany» memlekettik satyp alýdyń josyqsyz qatysýshysy dep taný týraly
azamattyq isin qarap, máseleni oń sheship berdi, dep habarlady oblystyq sottyń baspasóz qyzmeti.
Sotta talapker «Jazıra» balabaqshasy MKQK ókili talap aryzdy qýattap, óz jaýabynda Aral aýdandyq bilim bólimi balabaqshaǵa ár túrli zattardy satyp alý úshin bir kózden alý tásilimen konkýrs ótkizip, onda «Mysına Jeńisgúl» jeke kásipkerdiń jeńimpaz bolyp tanylǵanyn aıtty. Osylaısha eki jaq kelisim shartqa otyryp, 2011 jylǵy 25 maýsymǵa deıin jaýapker 876 250 tengeniń ár túrli taýaryn jetkizýge mindettengen. Alaıda, jaýapker osy kúnge deıin óz mindettemesin tolyq oryndamaı, tek 475 810 tengeniń zatyn ákelip bergen. Talapker tarapynan jaýapkerdiń esep shotyna osy aqsha aýdarylǵan. Qalǵan 400 440 teńgeniń taýary áli ákelinbegen. Osyǵan oraı jasalǵan eskertý hattar jaýapsyz qalǵan. Sol sebepten narazy jaq QR «Memlekettik satyp alý týraly» Zańyn negizge ala otyra, jaýapkerdi memlekettik satyp alýdyń josyqsyz qatysýshysy dep tanýdy surady.
Sot talapker ókiliniń pikirin tyńdap, istegi qujattardy zerttep, prokýrordyń qorytyndysyn eskere otyra, talap aryzdy qanaǵattandyryp, jaýapker jeke kásipker «Mysına Jeńisgúl Kamaldııarqyzyn» memlekettik satyp alý týraly jasasqan shart boıynsha mindettemelerin tıisti dárejede oryndamaýyna baılanysty, memlekettik satyp alýdyń josyqsyz qatysýshysy dep tanydy.
