Qyzylorda oblystyq soty Alǵys aıtý kúnin atap ótti
QYZYLORDA. QazAqparat-Qyzylorda oblystyq sotynda Alǵys aıtý kúnine oraı ótkizilgen saltanatty jıynda «Úsh bı» tósbelgisin ıelengen otstavkadaǵy sýdıalardyń tarıhı tegine qatysty qujattary alǵash ret ulttyq muraǵat qoryna tabystaldy, dep habarlady QazAqparat tilshisi.
Іs-sharaǵa oblystyq sottyń tóraǵasy Qambar Nuryshev, oblystyq qoǵamdyq-saıası tarıhy memlekettik arhıviniń basshysy Gúlshat Ahmetova, sýdıalar jáne otstavkadaǵy sýdıalar, Sottar ákimshiliginiń basshylyǵy, stýdentter, BAQ ókilderi qatysty.
Jıyndy ashqan oblystyq sottyń tóraǵasy Q.Nuryshev: «Alǵys aıtý kúni - el bolashaǵy úshin aıanbaı ter tókken azamattardyń bir-birine qurmet bildiretin kúni. Memleket basshysy ótken jyly jarııalaǵan «Bolashaqqa baǵdar: rýhanı jańǵyrý» maqalasynda «Qazaqstandaǵy 100 jańa esim» jobasyn usynyp, ultymyzdyń altyn qoryna enetin tulǵalardy bilý tıis ekendigin aıtyp ótkeni barshamyzǵa málim. Osyǵan oraı, ardager sýdıalardyń tektik qujattaryn ulttyq muraǵat qoryna jyl saıyn ótkizýdi úrdiske aınaldyrýdy josparlap otyrmyz», - deı kele, otstavkadaǵy sýdıalardyń qujattaryn ulttyq muraǵat qoryna tabystady.
Shara barysynda oblystyq sottyń sýdıasy Moldabek Ahmetov «Úsh bı» tósbelgisin ıelengen otstavkadaǵy sýdıalardyń eńbek joldary men qyzmet atqarǵan ýaqytta jetken jetistikterine toqtaldy.
Oblystyq sot tóraǵasy sharaǵa qatysýshylarǵa Qazaqstan Respýblıkasynyń damýy jolyndaǵy eńbekterine jemis, beıbit ómir men jaqsylyqtar tiledi. Sonymen birge, otstavkadaǵy sýdıalarǵa sot júıesiniń damýyna qosqan eleýli úlesteri úshin sot ujymy atynan alǵys aıtyp, alǵys hattardy tabystady.
