Qyzylorda oblystyq ekologııa departamenti basshysynyń orynbasary sottaldy

NUR-SULTAN. QazAqparat - Qyzylorda oblysy boıynsha ekologııa departamenti basshysynyń orynbasary 10 jyl 6 aıǵa bas bostandyǵynan aıyryldy. Ol seriktestik basshylaryna tıesili 100 mln teńgeni alaıaqtyq jolmen ıemdengeni úshin kináli dep tanyldy, dep habarlaıdy QazAqparat Antıkorǵa silteme jasap.

«Shymkent qalasynyń mamandandyrylǵan aýdanaralyq qylmystyq sotynyń úkimimen Qyzylorda oblysy boıynsha ekologııa departamenti basshysynyń orynbasary B. Tilegenov qaýipsizdigi ortasha túzeý mekemesinde merzimin óteýmen 10 jyl 6 aıǵa bas bostandyǵynan aıyryldy. Ol JShS basshylaryna tıesili 100 mıllıon teńgeni alaıaqtyq jolmen ıemdengeni úshin kináli dep tanyldy.

Sondaı-aq, Tilegenov JShS basshylaryn prokýratýranyń, memlekettik kirister jáne ekonomıkalyq tergeý departamentteriniń laýazymdy tulǵalary arqyly máseleni sheshemin dep, JShS-ne qatysty ekologııalyq zańnamany buzýshylyqtar týraly isti toqtatý jáne memlekettik kirister organdarynyń habarlamasyn keri qaıtarý úshin para berýge ıtermeledi», - delingen resmı habarlamada.

Úkim zańdy kúshine engen joq.