Qyzylorda menıngokokk ınfektsııasyna qaýipti aımaq sanalmaıdy - basqarma basshysy
QYZYLORDA. QazAqparat - Qyzylorda menıngokokk ınfektsııasy boıynsha qaýipti aımaq qatarynan sanalmaıdy. Bul jóninde oblystyq Qoǵamdyq densaýlyq saqtaý basqarmasynyń basshysy Ulbosyn Ahanaeva QazAqparat tilshisine aıtyp berdi.
«Menıngokokk ınfektsııasy negizinen aýa raıy ylǵaldy aımaqtarda keńinen taralady. Al Qyzylorda oblysy mundaı aımaqtar qatarynda sanalmaıdy. Bizde aýa raıy qurǵaq, kóbinese ystyq bolatyny belgili. Sondyqtan aımaqta menıngokokk ınfektsııasy keńinen tarap ketedi dep qaýiptenýge eshbir negiz joq. Al Astana, Almaty qalalarynda jıi jaýyn jaýyp, ylǵal deńgeıi joǵary bolady», - dedi U.Ahanaeva.
Menıngokokk juqpasy boıynsha Qyzylorda oblysynda buǵan deıingi jyldarda da derekter tirkelgen. Atap aıtqanda, 2015 jyly 4 oqıǵa oryn alǵan. Onyń 1-i - Jańaqorǵanda, 3-eýi Qyzylorda qalasynda anyqtaldy. Al 2016 jyly - bir ǵana jaǵdaı tirkelse, 2017 jyly buǵan baılanysty eshqandaı derek kezdesken joq.
Esterińizge sala ketelik, 31 mamyr kúni Qyzylorda oblysy Jańaqorǵan aýdanynda 1991 jyly dúnıege kelgen azamat menıngıttiń alǵashqy belgilerimen aýdandyq aýrýhanaǵa jatqyzyldy. Naýqaspen qarym-qatynasta bolǵan 11 azamat anyqtalyp, búginde olar dárigerlerdiń únemi baqylaýynda. Sondaı-aq naýqastyń otbasy múshesiniń bireýi aldyn alý maqsatynda aýdandyq aýrýhanaǵa jatqyzylyp, oǵan tıisti tekserý jumystary jasalýda.
Oblystyq densaýlyq saqtaý basqarmasy mamandarynyń aıtýynsha, dál qazir 1991 jylǵy azamat menıngokokk ınfektsııasynyń alǵashqy belgilerine baılanysty tolyq tekserýden ótkizilýde. Oǵan naqty dıagnoz qoıylǵan joq. Naýqas oblystyń jáne aýdan dárigerleriniń turaqty baqylaýynda,
Foto: ru.kyzylorda-news.kz
